Das Geschenk
Der Fred hat mir und da Kristine a Einladung bracht
und uns damit a große Freude gmacht.
Am 11. April da war der Fufzger voll.
Mir ham gsagt, da geh ma hi, des wird bestimmt ganz toll.
Gesagt, getan - mir is des mehr als recht,
weil i den Fred ganz besonders gern mecht.
Doch do geht scho des Raten und Überlegen los:
Was schenk mer dem Fred zu seim Festtag bloß??
A Wurscht, an Schnaps, a Werkzeig oder a Tort'n,
wüsst mas dann endlich - ja was nimmst für a Sort'n??
No dazu is sei Gerlinde im Backen superperfekt.
Wer woaß, ob dem Fred unser Tort'n dann schmeckt.
Doch zum Fufzigsten kannt des eh no net alles sei,
fallt uns denn ums verrecka net mehr für den Fred ei??
Studiert ham a, überlegt ham a glei manch hoibe Nacht
und ham uns dabei um unsern Schlaf a no bracht.
Auf oamal war's dann soweit
I hob mi wia a Schneekenig gfreit.
Kristine wach auf, i hob ghabt an seltsamen Traum,
jetzt woas is, mir schenga dem Fred an Gummibaum!
Sie sogt: Ja Bobbe bist denn net gescheit,
moanst vielleicht, dass der Fred si über an Gummibaum freit?
Doch i hoit ganz fest an meiner Idee,
war der Gummibaum in meim Traum doch ganz besonders schee.
Am nächsten Dog, ihr glabts es kaum,
mach ma uns auf die Suche nach dem Gummibaum.
Nach Rederzhausen zum Held samma als erst's higfahrn.
Doch da hamma dann erfahrn,
dass so an schena Gummibaum
anscheinend nur gibt, in meim Traum.
So glänzend und groß, so lieb und nett,
dass jeder der'n sigt, den Baum selber gern hätt.
A der Blumen-Wirth in Augsburg hod koa so a Exemplar,
von gewöhnliche Gummibaam aber a ganze Schar.
Nur an Baam so wia im Traum, ihr werds es errodn,
hob i koan oanzig'n gseng im ganzen Lodn.
Unser letzter Versuch war in Augsburg der Dehner,
der hod doch alles, so a Großunternehmer.
Es kimmt a glei so a netter junger Mo,
der hod uns glei gfrogt, ob er uns heifa ko.
Und i erzähl eahm sofort von meim Traum,
vom wunderschena Gummibaum.
Ja, so an Baam hod er auf Lager,
vom langa Steh zwar a bissal mager.
Den Baam i sig, i schaug ganz bled,
mei Traum doch no in Erfüllung geht?
Do steht er endlich, da Gummibaum,
grad so sche wie in meim seltsamen Traum.
Mir ham'n glei gnomma, der junge Mo hot a Papier drum gmacht
Und mir ham an Dir - liaba Fred - voller Freid mitbracht.
Er is sehr dankbar und a Pfleg braucht er kaum,
aus meim Traum der Gummibaum!
| 
